တစ်ယောက်ကို ယန်း ၄၀၀၀ အလိုက်ပေးရမည်တဲ့။ ကိစ္စမရှိ။ စကီးပြားနှင့် နှင်းလျှောစီးတံများ ငှားလိုက်သည်။ တောင်အောက်က ငှားစီးလာသည့် ဖိနပ်များနှင့် လဲလိုက်သည်။ ဟင်းသာနှင့် စိုးစိုးလည်း တစ်စုံစီ ငှားသည်။ ကိုသန်း နှင့် ကြည်ကတော့ မစီးတော့ဟုဆိုသည်။
ဝန်ထမ်းကောင်လေးက ကိုယ်တွေကို စိတ်မချသည့် အကြည့်ဖြင့်ကြည့်သည်။ နောက်တော့ အပြင်တွင် သူအနည်းငယ် သင်ပြပေးမည်ဟု ဆိုကာ ဆိုင်အပြင်ဘက်ကို ဦးဆောင်ခေါ် သွားသည်။
ဖိနပ်များ ထမ်းပိုးကာ ကြွားကြွားဝင့်ဝင့်ဖြင့် ထွက်လာကြသည်။ ကိုသန်းကိုလည်း ဓါတ်ပုံလှမ်း ရိုက်ခိုင်းလိုက်သေးသည်။
အဲသည့်နောက် ၀န်ထမ်းကလေးက တစ်ယောက်ပြီး တစ်ယောက်ကို ဖိနပ်နှင့် ဘုတ်ပြားတပ် ပေးသည်။ ဘုတ်ပြားချွတ်ချင်လျင် မည်သို့ ချွတ်ရမည်ကိုလည်း သင်ပြလိုက်သည်။
ပြီးတော့ တောင်အောက်ကို ချက်ချင်းမဆင်းရန်နှင့် ဒီအနီးဝန်းကျင်တွင်ပင် ဘုတ်ပြားနှင့် လမ်းလျှောက်တတ်ရန် အရင်ကျင့်ပါဟု သူက ပြောသည်။
စိုးစိုးကတော့ ဟုတ်သလိုရှိသည်။ သူက တဖြည်းဖြည်းချင်း လျှောက်ကြည့်သည်။ ကွေ့ကြည့်သည်။ ဟုတ်လို့နေသည်။
ကိုယ်နှင့် ဟင်းသာလည်း စိုးစိုး လုပ်သလို လိုက်လုပ် ကြည့်သည်။ မကြာပါ။ ဟင်းသာရော ကိုယ်ပါ ဖင်ထိုင်ရက်ကလေးတွေ လဲသွားသည်။
ကိုသန်းက တစ်ယောက်ပြီး တစ်ယောက်ကို လိုက်ထူသည်။
အဲသည့်နောက် တောင်ကုန်းအတိုင်း အများသူငါလို လျှောဆင်းကြရန် ကုန်းဆင်းရှိရာဘက် လှည့်လိုက်ကြသည်။
လူငယ်လေးများက ကိုယ့်နဘေးက ဖြတ်ကျော်ကာ ညင်ညင်သာသာ လျှောကနဲ လျှောကနဲ ဆင်းသွားကြသည်။
တောင်ကုန်းအောက်ကို နှင်းလျှောစီးဆင်းသွားသူများ ပြန်တက်လာနိုင်ရန် စီစဉ်ထားသည့် ကောင်းကင်ကြိုးဆွဲ ဒန်းကလေးများကို တွေ့ရသည်။ ကုန်းအောက်ကို မြန်မြန်ရောက်ချင် လှပါပြီ။
ပြီးလျင် ဒန်းကလေးစီးပြီး ပြန်တက်လာမည်။ အနည်းဆုံး အတက်အဆင်း သုံးခေါက် လောက်တော့ စီးမည်။ ဒန်းက တစ်ခါ စီး ယမ်း ၄၀၀။ ကုန်ချင် ကုန်ပါစေ။ သို့မှသာ လာရကျိုးနပ်မည်။
သို့သော် ခပ်ပြေပြေ ကုန်းကလေး ဆင်းမယ်မှ မရွယ်ခင် လေးငါးလှမ်းလောက်တွင်ပင် ဟန်ချက်ပျက်ပြီး ဖင်ထိုင်ရက် ဘုတ်ကနဲလဲတော့သည်။ ကုန်းထကြည့်သည်။ မရ။ ထဖို့မပြောနှင့် စကီဘုတ် အပြားတပ်ထားသည့် ခြေထောက်ကို မြေကြီးပေါ် ပြားလျက် ပြန်ချဖို့ကိုပင် ကြိုးစားကြည့်လို့ မရ။
ခြေထောက်လှုပ်မရသည့် အတူတူ လက်တွင် ကိုင်ထားသည့် နှင်းလျှောစီးတံ နှစ်ချောင်း အားပြုပြီး ထရန် ကြိုးစားပြန်တော့လည်း ဖင်ကလေး ကြွလာမလိုလို ရှိပြီးကာမှ တုတ်ချော် ထွက်ကာ ဖင်ထိုင်ရက် ပြန်ကျသွားသည်။
ဘေးဘီ ၀ဲယာ ကြည့်မိတော့ ဟင်းသာလည်း ငုတ်တုတ် ပုံရက်သားလေး။ စိုးစိုးကလည်း ကိုယ့် နောက်မှာ ငုတ်တုတ်။
နောက်ဆုံးတော့ ကိုသန်းက တစ်ယောက်ပြီး တစ်ယောက်ကို လိုက်ထူရသည်။
သူများတွေများ ကုန်းလျှောလေးကို လျှောလျှောရှုရှု တုတ်ကလေး ထောက်ကာ ထောက်ကာ ဆင်းသွားကြသည်။
“ခြေထောက်နှစ်ချောင်းကို ပူးထားရင် သူ့ဟာသူ အလိုက်သင့်ကလေး လျှောသွားရော” ဟု ဟင်းသာနှင့် စိုးစိုးက ပြောသည်။
အဟုတ်ပင်။ သူတို့ အဲသလို ခြေထောက်နှစ်ချောင်းပူးကာ အလိုက်သင့်ကလေး လျှောဆင်းသွားကြသည်။
သူတို့ပြောသလို လုပ်ကြည့်သည်။ အခုမှပင် နှင်းလျှောစီးရသည့် အရသာကို သိရတော့သည်။
သို့သော် ကုန်းဆင်းတစ်လျှောက် အရှိန်က တက်လာသည်။ ဟိုးအရှေ့ မလှမ်းမကမ်းတွင် သုံးနှစ်အရွယ်ကလေးငယ်လေးကို မိခင်ဖြစ်သူက ထိန်းစီး လေ့ကျင့်နေ သည်ကို လှမ်းမြင်လိုက်ရသည်။ သူတို့ကို တိုက်မိကုန်မှဖြင့် ဟု စိုးရိမ်စိတ်ပေါ်လာသည်။
အဲသလို ပေါ်လာကာက ကိုယ့်ခြေထောက်ကလည်း သူတို့ဘက် ဦးတည်မိရက် သား ဖြစ်နေသည်။ ကလေးကိုတော့ တိုက်လို့ မဖြစ်ဘူးဟု တွေးကာ ထူပူသွားတော့သည်။ နှင်းလျှောစီးတံ ကိုလည်း မြေကြီးအတွင်း အားစိုက်သွင်းကာ အရှိန်သတ်ရန် ကြိုးစားလိုက်သည်။
အဲသည်တော့မှ ဟန်ချက်ပျက်ကာ ကလေးငယ်လေးနား ပက်လက်လန် လဲသွားတော့သည်။
ကိုယ့်မှာ ကောင်းကင်ကြီးကို မျက်နှာမူရက်သား။ တစ်ကိုယ်တည်း ရုန်းထနိုင်ရန် ကြိုးစာကြည့်သည်။ ကိုသန်းကလည်း ဟိုးတောင်ကုန်းပေါ်တွင် ကျန်ခဲ့လေပြီ။
ဒီတစ်ချီတော့ ကူရာကယ်ရာမဲ့ပြီ။
‘ဒိုင်းဂျော့ဘု၊?” အဆင်ပြေရဲ့လား ဆိုသည့်သဘောဖြင့် အမျိုးသမီးငယ်လေးတစ်ဦးက လှမ်း မေးသည်။
“ဟိုင်း”
ရပါတယ်လို့သာ ဖြေလိုက်ပေမယ့် လိပ်လို ပက်လက်က မလှုပ်မယှက်။
သူက ကိုယ့်ကို ဘယ်လို စီးရမယ်၊ ခန္ဓာကိုယ်ကို ဘယ်လိုထိန်းရမယ်ဆိုတာတွေ ပြောပြရှာသည်။ ကိုယ်ကတော့ သူ အမူအယာ လုပ်ပြသလောက်ကိုသာ နားလည် လိုက် သည်။ သဘောကတော့ ဘရိတ်အုပ်ချင်လျင် ခြေထောက်နှစ်ချောင်းကို ချဲချပြီး ကိုယ်ရှိန်သတ် ရန် ဆိုတာမျိုး ဖြစ်သည်။
ခေါင်းသာညိတ်ပြလိုက်ရပေမယ့် လူက လှုပ်မရ။ ကိုယ့်အခြေအနေကို သဘောပေါက်သွား သည့် သူက ခြေထောက်နှစ်ချောင်းကို ချဲလို့ ဟန်ချက်ယူပြီး ပေါင် ၁၁၇ ပေါင်ရှိသည့် ကိုယ့်ကို ဆွဲထူသည်။
သူ့ကို ကျေးဇူးတင်ကြောင်း အထပ်ထပ်ပြောတော့ သူက “ရတယ်၊ ရတယ် ကိစ္စမရှိပါဘူး” ဟု ပြောကာ စကီးဆက်စီးဖို့ ထွက်သွားသည်။
သူလှည့်ထွက်သွားလို့ ငါးလှမ်း၊ ခြောက်လှမ်းစာမျှပင် မကွာခင် ပုံရက် ပြန်လဲသွားသည်။ သူကလှည့်ကြည့်ပြီး ပြန်လာမည်အပြု သူ့ကို သွားနှင့် ပါရန် လက်ကို ဝှေ့ယမ်းပြီး ပြောလိုက် သည်။ သူ့ခမျာ ကိုယ့်အတွက် ခရီးဖင့်ရှာမည်။
No comments:
Post a Comment