စားသောက် ဆိုင်က Cocon Karasuma လို့ ရေးထားတဲ့ အဆောက်အဦးရဲ့ သုံးလွှာမှာပါ။ အဲဒီ သုံးလွှာမှာ တခြား စားသောက်ဆိုင်တွေလည်း ရှိပါတယ်။ ဒါပေမယ့် ဒီဆိုင်လေးကတော့ လူလည်းများ သလို စားဖို့ တန်းစီပြီး စောင့်နေတဲ့သူတွေ အတော်များပါတယ်။
မစ္စစ်ခါဝခါမိက ကြိုတင် ဘွတ်ကင် လုပ်ထားတဲ့အတွက် သုံယောက်သား တန်းပြီး ၀င်သွားလို့ ရပါတယ်။ အပြင်က သဘာဝ အလင်းရောင် ကောင်းကောင်းရနိုင်ပါရက်နဲ့ အလင်းဝင် တဲ့ မှန်ချပ်တွေကို ပိတ်ကွယ် သလိုဖြစ်နေတဲ့ အတွင်းဒီဇိုင်းအပြင်အဆင်ကြောင့် ဆိုင်ကလေးက ရုတ်တရက် ဆိုရင် မှောင် ကုပ်ကုပ်ဖြစ်နေပါတယ်။
စားပွဲထိုးကလေးက စားချိန် မိနစ် ကိုးဆယ် သတ်မှတ် ထားကြောင်း၊ အ၀စားလို့ရတဲ့ အစား အသောက်အပြင် အဖျော်ယာမကာ သောက်ချင်ရင်တော့ သီးသန့်ထပ် မှာရမှာဖြစ်ကြောင်း လာရှင်းပြပါတယ်။
မစ္စစ်ခါဝခါမိက သူ့ရဲ့ ယောက်မ ရောက်မလာသေးတဲ့ အတွက် ထပ်စောင့်လို့ ရမလားလို့ မေးတော့ အခု ဧည့်သည်တို့ ၀င်လာတဲ့အချိန်ကနေစပြီး အချိန်မှတ်တာပါလို့ စားပွဲထိုးက ပြောပါတယ်။ ဒါနဲ့ သုံးယောက်သား အစားအသောက်တွေ စယူဖို့ ပြင်ကြပါတော့တယ်။
ကိုယ်ကတော့ နေ့လည် စာ အိမ်က နည်းနည်းစားလာတာနဲ့ သိပ်မစားတော့ပါဘူးလို့ တွက်ထားလိုက်တယ်။ အများစုကတော့ မြင်နေကြ၊ စားနေကြ ကြက်ရယ်၊ အမဲစတိတ်ရယ်၊ ငါးရယ်ကို လှအောင် ချက်ထားတဲ့ ဟင်းအမယ်တွေပါပဲ။
အသစ်အဆန်းဆိုလို့ သရက်သီးမှဲ့ကို စက်နဲ့မွှေပြီး ရွှေဖရုံသီးနဲ့ ရောနယ် ချက်ထားတဲ့ ဟင်းလျာလေးပါပဲ။ အဲဒါလေးက စားလို့လည်း အတော်ကောင်းလို့ မစ္စစ်ခါဝခါမိကိုလည်း အဲဒါလေး စားကြည့်ဖို့ ညွန်းလိုက်ပါ သေးတယ်။
ကိုယ်တို့ စစားတုန်းမှာပဲ မစ္စစ်ခါဝခါမိရဲ့ ယောက်မ ရောက်လာပါတယ်။ သူ့နာမည်ကလည်း ခါဝခါမိပါပဲ။ ဒါက သူတို့ရဲ့ မျိုးရိုးနာမည်မို့ ပါ။ သူ့ကိုယ်ပိုင်နာမည်ကတော့ မိတိုရိပါ။ မစ္စမိတိုရိက အိန္ဒိယကို အလည်အပတ်သွားရာက နေ ပြန်ရောက်လာတာ မကြာ သေးပါဘူး။
အိန္ဒိယနိုင်ငံကို ဘယ်လိုမြင်သလဲ။ ဘာထူးလဲလို့ မေးကြတော့ ပိုက်ဆံတောင်းနေ တဲ့သူတွေ၊ အစားအစာ တောင်းနေတဲ့သူတွေ အများကြီးတွေ့ ခဲ့ရတယ်လို့ ပြောပါတယ်။ နောက်ပြီး သူစီးလာတဲ့ တိုးဘတ်စ်ကြီး ယာဉ်ကျော တစ်လိုင်းကနေ နောက်တစ်လိုင်းကို ပြောင်းပြီး တခြားကားတွေကို ဖြတ်ကျော်မောင်းတက်သွားတာကို အထူးအဆန်းအနေနဲ့ ပြန်ပြောပြ နေပါတယ်။ ငါတို့ နိုင်ငံမှာလည်း အဲသလိုပါပဲလို့ ကိုယ်က သူ့ကို ပြောမိ ပါသေး တယ်။
ကိုယ်လည်း မစားဘူး၊ မစားဘူးနဲ့ အချိုပွဲအပါအ၀င် သုံးပွဲလောက် စားလိုက်မိတာ အခုထိ ရင်ခေါင်းထဲ တောင့်နေတုန်းပါပဲ။ အအေးတောင် ကောင်းကောင်း မသောက်နိုင်ခဲ့ပါဘူး။ ဒီဆိုင်က မနက် ၁၁ နာရီကနေ ညနေ ငါးနာရီ ကြားဆိုရင် တစ်ယောက် ယန်း ၁၆၀၀နှုန်းယူပါ တယ်။ ညစာအတွက်ဆိုရင် နည်းနည်း ပိုဈေး ကြီးပါတယ်။
မိနစ် ၉၀ မပြည်ခင်မှာ အချိန်စေ့တော့ပါမယ်လို့ စားပွဲထိုးက ပြောတာနဲ့ လေးယောက်သား စကားလည်း ဖြတ်၊ အစားလည်း ဖြတ်ပြီး ထွက်လာခဲ့ပါတယ်။ အိမ်အပြန်လမ်းမှာတော့ နှစ်ယောက်သား ဟိုစတိုးဆိုင်ဝင်၊ ဒီစတိုးဆိုင်ဝင်နဲ့ ၀င်ပြီး ကျိုတို မြို့တော်ခန်းမနား အရောက် မှာ မြေအောက် ရထားစီးဖို့ ဆင်းလာ ခဲ့ကြပါတယ်။
ဒီရက်တွေက ဂျပန်မှာ ရုံးပိတ်ရက်ရှည်ရတဲ့ Golden week ဖြစ်တာရော၊ ဒီနေ့က တနင်္ဂနွေနေ့ ဖြစ်တာရော ကြောင့်ပါ ရှိဂျိုးလမ်းတစ်လျှောက်မှာ လူတွေကလည်း များလှပါတယ်။
မြေအောက်ထပ်မှာတော့ နိုင်ငံခြားသားတစ်ယောက်က ကလဲနက်မှုတ်ပြီး ဖျော်ဖြေတာတွေ့ တာနဲ့ နှစ်ယောက်သား ပရိသတ်ထိုင်ဖို့ ချပေးထားတဲ့ ခုံတန်းလေးတွေမှာ ၀င်ထိုင်ရင်း သူ့ရဲ့ နောက်ဆုံးတေးသွားလေးကို နားထောင်ဖြစ်ခဲ့ကြ ပါတယ်။
ဒီနေ့က နေကလည်းသာသမို့ ရာသီဥတုလည်း သာယာပြီး အချမ်းလည်း ပေါ့လို့နေပါတယ်။ အိမ်အပြန် ရထားပေါ် ကနေ မြင်ရတဲ့ နေ၀န်းနီနီနဲ့ နေ၀င်ဆည်းဆာရဲ့အလှကလည်း ညနေခင်း လေးရဲ့ အလှကို ပိုပြီး ပီပြင်စေလို့နေပါတော့တယ်။
No comments:
Post a Comment