ကျောင်းထဲ ၀င်လိုက်တယ်ဆိုရင်ပဲ ようこそ (welcome) ဆိုတဲ့ စကားလုံးကို စာလုံး တစ်လုံးစီ ရေးချယ်ထားတဲ့ ချယ်ရီရောင် သုံးထပ်သားပြားတွေကို မိန်းလမ်းမ တစ်ဖက် တစ်ချက်က မီးတိုင်တွေမှာ ချိတ်ထားတွေ့ရပါတယ်။ စာသင်နှစ်တစ်နှစ်ရဲ့ အစကို ရောက် တော့မှာမို့ ကျောင်းတော်ကြီးက ကျောင်းသားသစ်လေးတွေကို ကြိုဆိုနေဟန်ရှိပါတယ်။
ဧပြီ စာသင် နှစ်ဟာ ဂျပန်ကျောင်းသားလေးတွေအတွက် စာသင်နှစ်စပါ။ ကိုယ်တို့လို နိုင်ငံခြား သား ကျောင်းသားတွေအတွက်တော့ စက်တင်ဘာလက စာသင်နှစ်စပေါ့။
ကျောင်းက ဧပြီ ၇ ရက်နေ့မှာ စဖွင့်မှာ ဆိုပေမယ့် ဆေးစစ်ဖို့ လာတဲ့ကျောင်းသားတွေ၊ တခြားပြင်ဆင်စရာတွေအတွက် လာကြတဲ့ ကျောင်းသားတွေနဲ့ ပြန်လည် စည်ကား သက်ဝင် လို့နေပါတယ်။
စိတ်ထဲမှာလည်း ဘာရယ်မသိမြူးလို့နေပါတယ်။ ချယ်ရီရောင် ဆိုင်းဘုတ်ကလေးတွေကပဲ ကိုယ့်ကို ကြိုနေသလိုလို ဘာလိုလို။ စက်တင်ဘာလမှာ ကျောင်းပြီးတော့မယ့် ကိုယ့်အတွက် ဒီဧပြီရဲ့ကျောင်းရှုခင်းဟာ ဒုတိယနဲ့ နောက်ဆုံးပေါ့။
ကျောင်းဝင်းအလယ်က ချယ်ရီပင်ကြီးကလည်း အပွင့်တွေ ဝေေ၀ဆာ ပွင့်လို့။ ဆေးစစ်ဖို့ တန်းစီရမယ့် prism house ဘက်ကို ချိုးလိုက်တယ်ဆိုရင်ပဲ chest x-ray ရိုက်ပေးမဲ့ ကားကြီးကို တွေ့လိုက်ရပါတယ်။ prism house က သီရေတာထဲ ၀င်လိုက်တာနဲ့ ကိုယ့်ရှေ့မှာ ထိုင်စောင့်နေကြတဲ့ ကျောင်းသား တစ်ရာလောက်ကို တွေ့လိုက်ရပါတယ်။
အခန်းဝမှာ စောင့်တဲ့ အမျိုးသမီးက ကိုယ့်ကို ရှေ့ဆုံးက ခုံမှာ နေရာယူဖို့ပြောတော့ တယ်ဟုတ်ပါလား။ နိုင်ငံခြားသား ကျောင်းသားမို့ ဦးစားပေးလေသလားလို့ တွေးလိုက်မိပါတယ်။ ဒါပေမယ့် အနောက်ကလူတွေကို တစ်သုတ်ပြီး တစ်သုတ်ခေါ်သွား တော့မှ နောက်ကလူအုပ် ကုန်မှ ရှေ့ဆုံးတန်းက လူတွေကို ပြန်စမယ်ဆိုတာ သဘောပေါက် လိုက်ပါတယ်။
ဒါနဲ့ပဲ ဆေးမစစ်မီ မေးခွန်းလွှာနဲ့ ကိုယ်ရေးအချက်အလက် စာရွက်ကို ဖြည့်နေလိုက်ပါတော့ တယ်။ အင်္ဂလိပ်လို ရေးပေးထားသမို့ အလွယ်တကူပဲ ဖြည့်လိုက်ပါတယ်။ တစ်နှစ်ခွဲ ကျောင်း တက်ခဲ့တဲ့ကာလမှာ ဆေးစစ်ရတာ ဒါနဲ့ပါဆို သုံးကြိမ်မြောက်ပေါ့။ နောက်ဆုံးအကြိမ်လို့လည်း ထင်ပါတယ်။
မေးခွန်းတွေကလည်း ဒီမေးခွန်းတွေပဲမို့ ဒီအဖြေပဲ ထပ်ဖြေပေးလိုက်ပါတယ်။ စာလိုက်ရတာ အခက်အခဲရှိသလား၊ ဘ၀မှာရော အခက်အခဲကြုံနေသလားလို့ မေးထားတဲ့ မေးခွန်းကို အရင်ကလိုပဲ ဟင့်အင်းလို့ ဖြေလိုက်ပါတယ်။ စိတ်ဖိစီးမှု ရှိသလားလို့ မေးတော့လည်း အရင်ကလိုပဲ နည်းနည်းပေါ့လို့ ဖြေလိုက်ပါတယ်။ အအေးရော အလွယ်တကူမိတတ်သလား ဆိုတော့လည်း အင်းပေါ့။ ကိုယ်အလေးချိန် ဘယ်လိုရှိတယ်ထင်လဲ ဆိုတဲ့အမေးကို ကျချင်နေတာလို့ ဖြေလိုက်ပါတယ်။ စားချင်သောက်ချင်စိတ် ပျက်သလား အမေးကို ဘယ်တုန်းကမှ မပျက်ဆိုတဲ့ သဘောနဲ့ none လို့ ဖြေလိုက်ပါတယ်။ အဲ တစ်ခုပါပဲ။ အရက်သေစာ သောက်စားသလားလို့ မေးတဲ့ မေးခွန်းမှာတော့ အရင်က နိုး လို့ ဖြေခဲ့ပေမယ့် ငါးပါးသီလမှာ တစ်ပါးမကျိုးချင်တာနဲ့ အခု တစ်ခေါက်တော့ တစ်ခါတစ်လေပါ လို့ ဖြေလိုက်ပါတယ်။
တစ်နာရီလောက် စောင့်ပြီးတဲ့အခါမှာတော့ ကျောင်းသားကဒ်နဲ့ တိုက်စစ် အစစ်ဆေးခံပြီး ဆေးဝန်ထမ်းလေး ကမ်းပေးလာတဲ့ ခွက်ကလေး ကိုင်ပြီး သီရေတာ ထဲက ထွက်လာပါတယ်။ အဲဒီနောက် ၀န်ထမ်းလေး ညွန်တဲ့အတိုင်း ရေအိမ်ထဲဝင်၊ ပြန်ထွက်လာ၊ နောက်တော့ ခွက် ကလေး ကို ဆေးဝန်ထမ်း အမျိုးသမီးကြီးရှေ့က စားပွဲပေါ်ချပေးလိုက်ပါတယ်။ သူကလည်း စက္ကူ ပြားလေးတစ်ခုကို ခွက်ထဲနှစ်ပြီး ဆေးစစ်ပေးပါတယ်။ အဲသလို အောင်မြင်စွာ ဆီးစစ်ပြီး တဲ့နောက် အရပ်တို့၊ သွေးပေါင်ချိန်တို့ တိုင်းတဲ့ အခန်းတွေဘက်လှည့်ခဲ့ပါတယ်။ သုံးဆယ်ကို တော်တော်စွန်းနေပြီ ဖြစ်တဲ့ ကိုယ့်အတွက် ထွက်စရာ အရပ်လည်း မရှိတော့ပါဘူ။ ဒါပေမယ့် အဲဒီ ပေါင်ချိန်စက်နဲ့ အရပ်တိုင်းတဲ့ ပေတံကြီးပေါ်တက်ရတာကိုပဲ ပျော်သလိုလို၊ အဲဒီနောက် တိုးနေတဲ့ အလေးချိန် ကို ကြည့်ပြီး ဒီလောက်တော့ရှိမှာပေါ့လေ၊ ဒီရက်ပိုင်းတွေ ဘာစားစား စားကောင်းတာကိုးလို့ ဖြေသိမ့်လိုက်ပါတယ်။
နောက်တော့ မျက်စိစစ်တဲ့ နေရာကို သွားပါတယ်။ ကိုယ့်ကို ခိုင်းတာက တစ်ခု၊ ကိုယ်က ပြန်ဖြေတာ တခြားမို့ မျက်စိစစ်ပေးတဲ့ ဆေးဝန်ထမ်းအမျိုးသမီးက ရုပ်ပုံကားချပ်လေးနဲ့ ကိုယ့်ကို ရှင်းပြပါတယ်။ အဲဒီတော့မှပဲ သူဘာလုပ်ခိုင်းတယ်၊ မေးနေတယ်ဆိုတာ သဘောပေါက်သွားပါ တယ်။ သဘောက မျက်လုံးကို မှန်ဘီလူးနဲ့ အပ်ခိုင်းပြီး ပေါ်လာတဲ့ စာလုံးဟာ ဘယ်ဘက် လှည့်နေသလဲဆိုတာမျိုးမေးတာပါ။ မြန်မာအက္ခရာတွေ၊ ဂဏန်းတွေနဲ့ တူတဲ့ ဂ၊ ပ၊ ၀၊ ၁ တို့ကို မေးလေသမို့ ဂငယ်လို့ ဖြေတော့မယ့် ပါးစပ်ကို ဘရိတ်အုပ်ပြီး လက်မကို အောက်ဆိုက်ပြလိုက်ပါတယ်။
မျက်စိ စစ်တာ အောင်မြင်စွာပြီးဆုံးသွားလေတော့ ဓါတ်ရောင်ချည်အရိုက်ခံဖို့ ကားကြီးဆီကို လှမ်းခဲ့ပါတယ်။ ချွတ်ရပြုရလွယ်ကူတဲ့ အင်္ကျီဝတ်လာဖို့ ကျောင်းကကြိုတင်မှာ ထားသမို့ ကိုယ်လည်း တီရှပ်ပဲ ၀တ်လာပါတယ်။ ဒီနေရာမှာတော့ လူရှင်းသမို့ တန်းတောင်မစီလိုက်ရပါဘူး။ အဲဒီနောက်တော့ ကိုယ့်ရဲ့ ဆေးစစ် ခြင်းကိစ္စအ၀၀ ပြီးဆုံးသွားပါတယ်။ (sleepy now)
No comments:
Post a Comment